Video
Read full review
2021-11-23
278 views
一向都知呢間台灣菜好多人捧場要排隊先食到，見今日係附近唔係好肚餓就諗住邊排邊消化😂最後用左接近45分鐘終於坐低。落單後等左超過20分鐘先上第一個主食，之後小食陸續送到，第二個主食最後係用左接近40分鐘先出現。明白生意太好等耐少少都係正常，不過呢個上菜速度真係要改善下，呢餐飯連等位食左兩個鐘有點不能接受🙉而且部份食物有唔夠熱嘅情況。-🍱香酥臺南蝦捲便當 $58作為第一個上枱嘅主食，一口咬落去竟然係常溫狀態，男朋友表示不能接受。自己估計有機會係舖頭冷氣太大食物整好咗擺喺度冇人拎出嚟所導致，因為成餐飯一路食一路都覺得好凍🥶蝦捲其實幾好食，如果熱辣辣會更正。-🍱那個滷排骨便當 $66話係排骨其實比較似豬扒⋯滷得唔夠入味同腍，比較乾同柴，但係又矛盾地多肥膏🌝外皮浸到淋曬唔脆，咬開後皮肉分離，但係浸到咁豬扒又無乜味？雖然大大塊係抵食不過都無食曬，招牌嚟講都幾失望。-便當仲會跟5款配菜，今次有味噌金針野菜、香炒沙茶粉絲、白菌洋蔥粟米、焦糖玉子、本日涼菜（好似唔係好覺有）。其實配菜都佔咗便當一半份量，估唔到有咁多，味道都不錯。呢方面我幾欣賞佢配菜都有用心準備，唔係是但比兩條菜而係有設計過款式👍🏻-🌐鹽
-
🍱香酥臺南蝦捲便當 $58
作為第一個上枱嘅主食，一口咬落去竟然係常溫狀態，男朋友表示不能接受。自己估計有機會係舖頭冷氣太大食物整好咗擺喺度冇人拎出嚟所導致，因為成餐飯一路食一路都覺得好凍🥶蝦捲其實幾好食，如果熱辣辣會更正。
-
🍱那個滷排骨便當 $66
話係排骨其實比較似豬扒⋯滷得唔夠入味同腍，比較乾同柴，但係又矛盾地多肥膏🌝外皮浸到淋曬唔脆，咬開後皮肉分離，但係浸到咁豬扒又無乜味？雖然大大塊係抵食不過都無食曬，招牌嚟講都幾失望。
-
便當仲會跟5款配菜，今次有味噌金針野菜、香炒沙茶粉絲、白菌洋蔥粟米、焦糖玉子、本日涼菜（好似唔係好覺有）。其實配菜都佔咗便當一半份量，估唔到有咁多，味道都不錯。呢方面我幾欣賞佢配菜都有用心準備，唔係是但比兩條菜而係有設計過款式👍🏻
-
🌐鹽酥甜不辣（2片）$18
冇乜調味，如果唔係原塊上改為切條狀會比較方便進食。順帶一提呢個同樣唔熱。
-
🌐蜜蒜香腸（1條）$12
正常發揮，都知係現成野翻熱單純想食過下口癮🤣
-
🌐夜市人氣雞皮卷（1條）$25
係三款小食之中最好食，雞肉嫩滑，雞皮薄薄一層唔肥，表層用椒鹽調味恰到好處，如果份量大啲就更好😋
-
🥤蜂蜜青檸寒天冰茶（跟餐+$12、大杯再+$3）
🥤花壇蜂蜜綠茶（跟餐+$6、大杯再+$3）
味道不錯，跟餐價大大杯抵飲。
-
總結：整體表現其實算唔錯，喺附近又無人排隊可以再食，排隊計最多接受到15分鐘。主食性價比高，小食雖平但份量不多，整體依然係良心價無誤💛
那個滷排骨便當
$66
17 views
0 likes
0 comments
11 views
0 likes
0 comments
香酥臺南蝦捲便當
$58
16 views
0 likes
0 comments
Post
