The hangout bar & cafe (Closed)

大角咀區內餐廳多，選擇多搵食唔算難。今次搵到一間在區內的賣貝果的三文治Cafe 。餐廳位置不算就腳，出奧運站之後仲要再行一段路，加上附近做緊維修，棚架擋住部分視線容易走過頭。餐廳內座位不多，店員會俾個餐牌你到櫃檯落單。餐牌上選擇不多，但可選外層的包種類/薯條及沙律。飲品list 則在入門口的牆上，一入去好難留意到，再加上透明膠牌反光就更難睇清楚。點餐時間：點左最基本的ham & cheese ，面包則揀選了Poppy及Panini ~White bread 款。Poppy有小麥香，但質感較硬。White bread 就較為一般。三文治內層有芝士，蕃茄，青瓜，火腿，辣通粉，火箭菜。份量十足，女生是一口咬不到底的。通粉微辣中和芝士的膩感，蔬菜部分食得出是新鮮的，因很爽口沒有苦味。由於它的份量大，我最終只食到 3/4份。但味道整體評價是中上，適合食量較大的人士。