一浪

Open Now

Now Closed

本后今日微服出巡, 跟王太后同皇親國戚飲完茶後, 私約閨密勇闖大角咀來一個咖啡時間。試業中的一浪, 純白嘅裝修好文青, 跟印象中的大角咀感覺好唔同。呢幾日熱到本后無乜胃口, 加上食完午飯不久, 今次主打冰涼飲品！飲品主打咖啡為主, 亦有數款Soda飲品, 本后唔算太好咖啡, 但就俾個橙啡呢個名吸引左, 一於試試佢！橙啡一到, 橙汁同咖啡兩層顏色好吸睛。先試一口面層的咖啡, 好fruity, 帶點酸, 本后心諗混合橙汁會否酸到爆炸？點知溝埋一齊之後竟然中和左個酸度, 淡淡的咖啡帶著橙汁的香味, 對於本后十分對胃 閨密一早飲梗Dirty, 決定叫件蛋糕開心share! 蛋糕出自日光手筆, 濃濃的朱古力味但唔太甜, 暖暖的蛋糕伴著雪糕同吃, 好幸福 傾住計眨吓眼KO晒所有嘢, 決定叫第二round飲品。閨蜜決定品嚐Long Black, 本后就要試吓那杯名字可愛的姜啜濤！其實飲品係Mojito + Ginger Ale, 入口有青檸的酸味, 餘韻帶點淡淡的姜味, 好清新！飲住第二杯一路聞住窩夫嘅香味, 可惜個胃唔爭氣, 太飽試唔到, 下次本后要再試下食物嘅真章！