Video
Read full review
2018-07-26
60 views
大角咀雖然係小區，但近年開了不少食肆，中西日菜應有盡有！記得之前曾幫襯過北角一間意菜小店「Villa Villa」，覺得店裡的食物做得極具心思，有創意之餘味道亦佳，最鍾意就係佢嘅黃金炒薯條，薯條用鹹蛋黃及牛油炒過，食落甘香可口。另外麵包、薄餅、意大利麵等都是自家製作，誠意十足。最近從食友網誌得知餐廳喺大角咀開咗分店，趁今日放假，一於約埋住喺九龍嘅朋友仔過嚟試下。新店位於大角咀埃華街大全樓地下，門面以落地玻璃作設計，開揚光猛。步進內，間隔呈長方形，簡潔光亮，地方雖然唔算好大，但實用四正，橙色牆身上掛滿了一幅幅美食照片，配上另一邊牆架上的小擺設，氣氛輕鬆，叫人坐得舒服自在。拿起店員送上的餐牌，午市套共有 8 款選擇，包括皇牌全日豐富早餐、美國牛肉漢堡、意粉和意大利飯等，定價由 $55 至 $138 不等，意粉同飯會配有自家製香草麵包及餐湯。至於其它項目就包括有全日供應嘅創作料理拼盤、薄餅同一系列小食。拼盤可配一款主菜，而薄餅就一共有 10 款選擇，另外亦有多款小食，如黃金炒薯條、芝麻雞翼、鵝肝多士同飲品等供應。上次喺北角試過餐廳嘅邪惡小食黃金炒薯條 ($68)，非常美味，加上依家做緊優惠，
新店位於大角咀埃華街大全樓地下，門面以落地玻璃作設計，開揚光猛。步進內，間隔呈長方形，簡潔光亮，地方雖然唔算好大，但實用四正，橙色牆身上掛滿了一幅幅美食照片，配上另一邊牆架上的小擺設，氣氛輕鬆，叫人坐得舒服自在。
拿起店員送上的餐牌，午市套共有 8 款選擇，包括皇牌全日豐富早餐、美國牛肉漢堡、意粉和意大利飯等，定價由 $55 至 $138 不等，意粉同飯會配有自家製香草麵包及餐湯。至於其它項目就包括有全日供應嘅創作料理拼盤、薄餅同一系列小食。拼盤可配一款主菜，而薄餅就一共有 10 款選擇，另外亦有多款小食，如黃金炒薯條、芝麻雞翼、鵝肝多士同飲品等供應。
上次喺北角試過餐廳嘅邪惡小食黃金炒薯條 ($68)，非常美味，加上依家做緊優惠，點一客會送特飲一杯，當然唔可以錯過。炒薯條取材自「黃金蝦」的概念，加入了鹹蛋黃炒香，每條薯條都滲滿咗「黃金」的味道，愈食愈滋味，令人吃不停口，用來佐酒一流！
主菜方面，本來諗住點一客薄餅，再加一個創作料理拼盤，估唔到店員話薄餅非常好賣，暫時沒有餅底可製作薄餅。也不打緊，反正意大利麵也是餐廳嘅招牌菜之一，就一於改點這客鮮蝦扁意粉 ($63) 試試。意粉配有餐湯同香草包，麵包是自家製，邊位焗得頗脆身，內裡鬆軟，帶清新香草味。Homemade 扁意粉煮得啱啱好，煙韌有咬口，鮮蝦份量亦下得十分慷慨，共有 5 大隻，彈牙爽口，配上蒜香味辣番茄汁吃，香辣兼備。
創作料理拼盤有野菜沙律、吉列甘栗紫薯餅、龍蝦沙律自家製香草包、明太子蟹肉玉子、泡沫芝士杯，主菜共有 9 款可供選擇，揀咗月見汁燒和牛粒飯 ($158)。先吃拼盤，由野菜沙律順時針食起，沙律菜爽口新鮮，味道清新怡人，用作前菜就最為適合。玉子雖然蛋香味不算很濃，但食落軟身帶滑，配上豐富的蟹肉，口感十足。
紫薯餅有巴掌咁大，入面除咗有紫薯蓉外，仲有粒粒栗子，紫薯質感綿滑，口感有層次。龍蝦沙律啖啖都有龍蝦的鮮味，墊底的香草包食落外脆內軟，帶濃郁的香草香氣，入口清新。
和牛粒飯面頭配有溫泉蛋，牛柳粒厚切成丁方狀，烤得腍滑入味，入口肉味濃郁。再篤穿溫泉蛋，讓蛋黃汁液跟飯撈勻食，一啖飯一啖和牛粒，既 Juicy 又惹味。
拼盤配有一款甜品泡沫芝士杯，白色一層是用意大利芝士打成的，而褐色那層就是手指餅混合了 Bailey，入口非常香滑，帶陣陣酒香，吃罷完全不覺甜膩。
飲品方面，筆者點了草莓乳酸特飲 ($28) 而友人就揀咗芒果乳酸特飲 (跟黃金薯條免費贈送)，兩杯飲品味道都唔錯，入口酸酸甜甜，帶淡淡果香，十分消暑。順帶一提，餐廳依家做緊新張優惠，埋單有 88 折，非常抵食。
Post
