Choomil 啾咪

Open Now

Now Closed

學校附近新開咗間餐廳，放學就同同學去食！蟹肉蟹籽忌廉扁麵一上枱已經勁香，啲蟹肉味好香，同埋佢勁多汁，每一啖意粉都掛到好多汁，加上佢係扁意粉除咗掛汁之外，蟹肉都好多，味道好香濃蟹肉味，但又唔會太鹹，味道啱啱好，好出色嘅意粉.羊臀肉佢冇臊味~唔鐘意食臊嘅同學就好鐘意.肉質方面，佢一啲都唔un.大廚煮得好好，煮出嚟唔會全熟，仲鎖到肉汁，眼見都已經好juicy，食落都好juicy，肥肉同羊肉嘅分佈比例好好，唔會太肥，但又有肥肉去添加味道同口感.羊臀肉呢個部分都好淋.我覺得唔洗點汁都已經好好食，食到羊肉同埋調味本身應有嘅味道.龍蝦包超！大！個！即叫即炸嘅龍蝦啲龍蝦肉就算炸完都好彈牙，包都烘過，所以成個龍蝦包食落好脆，勁正！加上佢有蟹同沙律，所以味道入口好好食！雞串燒配薄餅估唔到佢咁多串，勁抵食！啲雞肉唔鞋，醃料醃得好入味，夾埋薄餅食，條另一種風味.薄餅微微烤烘過，少少脆身，加埋雞串嘅汁一齊食，都好夾！（我點意粉汁勁正，hahahaha)