果子｜海南雞飯·喇沙摻摻 外賣專門店

Open Now

Now Closed

今日去大角咀富榮花園同友拜年，回程時候有啲肚餓，決定買外賣回家吃，途經果子海南雞飯喇沙摻摻專門店，見餐牌上有海南雞、喇沙和小食，街坊價錢幾抵食，所以就買咗飯、麵和小食試吓！落單後好快就有得拎。無骨海南文昌雞飯：餐牌寫住係用走地雞，少油脂，皮脆肉滑。果然，一打開已聞到香噴噴嘅味道，. 文昌雞皮薄鮮嫩，特別適合製作海南雞，飯可以揀白飯或油飯，我當然揀油飯，油飯是海南雞最佳配搭，雞肉夠爽夠滑；再配上特色油飯及醬汁，一啖嘗盡豐富口感和味道!海鮮喇沙摻摻：湯和材料分開盛載，不用擔心食材浸湯太久不好吃，豐富食材有大蝦、蜆、魚蛋、豆卜、芽菜和蛋，湯底香味濃郁，辣度剛剛好，最特色的是摻摻“兩溝”了油麵和米粉，更有口感。香煎豬頸肉：豬頸肉肥瘦均勻，煎出來香脆有口感。南乳雞翼皮脆肉嫩，味道鹹香惹味！