御品·千之味 (大全街) (Closed)

大角咀愈來愈多美食，最近食左間幾好食嘅cafe，另外食左呢間日本野都唔錯，性價比幾高，如果來開呢邊，都可以考慮下喎御品·千之味位於大角咀大全街，睇番評論先知深水埗有店，我自己就第一次食。餐廳面積唔算話好大，一般小店規模，裝潢帶日式風味，而且夠光猛、企理。我地當日坐嘅位置冷氣都幾大，舒服。menu選擇夠多，以小店而言都好齊全，由刺身、壽司、丼飯、小食、炸物、一品料理、沙律等。如果午市來，會有D較優惠嘅套餐。有誠意。我地主要點壽司為主，三文魚腩壽司唔算話好肥美，壽司飯大小剛好，醋酸味適中。馬刀貝壽司新鮮爽口赤貝壽司幾抵食，一份20蚊，都唔錯帶子壽司大粒，而且鮮甜。蟹籽軍艦可能因為等齊壽司上碟，紫菜就唔會話好脆，但份量大方。吞拿魚蓉軍艦入口融化。火炙左口魚邊壽司一向係我最愛，魚油豐富火炙芝士熟蝦壽司見到都流口水。整體來講，佢地嘅壽司質素都唔錯，每件定價約10-20蚊左右。芝士炸蝦卷中規中矩。蟹柳玉子燒基本上就係玉子燒上放左蟹柳，哈，其實各有各食，但加左沙律醬同蟹籽又幾夾。七味雞翼推薦，即炸脆口，而且唔會好油，七味粉量適中。