The Brew Job Coffee (Closed)

要講鬧市得嚟又唔多人，非大角咀莫屬。近年愈來愈多新餐廳進駐，為舊區注活力，今次先介紹 The brew job coffee。揀呢間舖主要係因為見到有Bagel，因為香港有Bagel嘅地方唔多呀！Avocado & Egg賣相有驚喜， 因為估佢唔到係煎蛋呀！呢個Bagel有牛油果蓉、雞蛋、火箭菜同cream cheese。Bagel只有原味揀，偏煙韌。當蛋黃流到牛油果蓉上面，加埋Bengal都算係唔錯！Smoked Salmon Supreme有挪威煙三文魚、酸豆、紅蔥頭、火箭菜同cream cheese，同樣原味嘅Bagel，呢個就係穩陣之選，因為呢幾款食材加埋，只要夠新鮮都會好食！Dirty（前）、Latte（後）兩款都叫咗Combo set $98，所以可以揀$38飲品。前者就係將espresso倒入凍鮮奶裡面，上層係深啡嘅咖啡，下層係白色鮮奶，中間有個漸層。先飲到熱的espresso，再飲到凍的牛奶，一杯飲到兩個唔同口感；後者就奶味比較順滑，好易入口。