港原味 (Moved) New Location

收工約左屋企人黎呢到食飯，大角咀其實真係好多餐廳，七點黎到吾算太多人。睇睇menu見個二人餐都幾抵食，$198包任選小菜兩款（呢個抵讚！好多餐廳都會有限制去選擇菜式），仲包兩個湯同甜品。而且每個小菜都會包個飯，所以最後我地就叫左個二人餐再散叫多個小菜。散叫左個雜菜煲，清清地入面其實都好多料！有芥蘭，西蘭花，瓜，娃娃菜，芋絲同粉絲等等雪山紅豆冰好正！紅豆好棉密，mix埋忌廉都吾會太甜，啱啱好！原本仲擔心咕嚕京都骨啲豬肉會好鞋，點知一啲都吾會，仲勁厚肉，酸酸甜甜好開胃，吾好睇佢細細碟咁，其實都有成十舊肉左右，啱哂食肉獸。重點嘅咖喱農夫包，我地叫左雞肉嘅，都算滑身。咖喱好香好濃，帶少少辣，好惹味，食下食下成個包清哂最後個甜品係洛神花燉蘋果， 入面釀咗黑糯米，口感煙煙韌韌，味道亦都吾會過酸，refresh下作為一個好好嘅收尾。