Video
Read full review
2020-12-25
1539 views
大角咀一向多餐廳選擇，而且夠多元化咩菜式都有。不過講到食西式野，我間唔中都會黎幫襯依間威尼斯餐廳。佢係一間好細嘅鋪，最多都淨係坐大概五六檯客，所以如果成班人多嘅話，無咁適合黎依度食。中午lunch set，有八款選擇，無論係想食意粉或者燴飯都有得揀，不過依八款通常就固定左，每日黎都係依幾樣。我食過幾次risotto，覺得幾唔錯。今次叫左胡椒鴨墨汁意大利飯($50)，包一杯飲品或者餐湯。因為間鋪真係好細，係one-man kitchen，試過有次係朋友差唔多食完，我嗰碟先黎到，所以等得耐唔耐其實都好睇運氣，好彩今次黎等左10分鐘左右已經有得食。我覺得佢啲飯嘅分量都幾足，大大碟。胡椒鴨其實即係鴨胸，煮得好香口，啲飯都好濕潤又唔會煮得好淋，口感唔錯，墨魚汁好香濃，每粒飯都沾滿墨魚汁，好好食。雖然食依個飯比較麻煩，好容易食到成嘴黑色，但係真心覺得好味，cp值又高，推薦大家試下👍
因為間鋪真係好細，係one-man kitchen，試過有次係朋友差唔多食完，我嗰碟先黎到，所以等得耐唔耐其實都好睇運氣，好彩今次黎等左10分鐘左右已經有得食。我覺得佢啲飯嘅分量都幾足，大大碟。胡椒鴨其實即係鴨胸，煮得好香口，啲飯都好濕潤又唔會煮得好淋，口感唔錯，墨魚汁好香濃，每粒飯都沾滿墨魚汁，好好食。
雖然食依個飯比較麻煩，好容易食到成嘴黑色，但係真心覺得好味，cp值又高，推薦大家試下👍
Post
