Video
Read full review
2022-05-14
1017 views
星期六難得放假，下晝要搵一間可以飲酒食小食傾吓計嘅好地方先，睇到近來都幾多人推介喺大角咀嘅一間主打西班牙菜嘅餐廳RU RU ，啱啱上年八月開業就獲得好評，食物質素一定有保證餐廳唔算太大，但係座位係非常舒適，大部份都係梳化位，到埗有一位非常有禮貌的小妹妹Lisa 招呼我哋，廚房和酒吧係開放式，所有員工都會同你點頭打招呼，最鍾意就係呢種感覺，經理都好好，為我哋介紹店舖推介食物同埋飲品，解決咗我哋選擇困難症嘅煩惱🌶🫑▪️西班牙辣椒仔 $ 88最傳統嘅西班牙餐前小食，有紅黃綠三種青椒仔，帶清甜味少少辣，生熟程度啱啱好，脆脆地，少少海鹽調味已經好好食🥑🍅▪️牛油果蕃茄沙律 $98非常足料嘅一個沙律，沙律菜係羽衣甘藍，加上清甜嘅蕃茄同埋新鮮嘅牛油果，最重要梗係芝士，加埋自家製嘅沙律醬汁，酸酸甜甜好新鮮好好食🥔🐮▪️慢煮和和牛臉肉配薯蓉 $ 298必食推介，和牛臉肉好淋但又帶點煙韌口感，掌握得非常好，而且好入味，超級好食，醬汁唔係太濃味，不會蓋過牛嘅味道，薯蓉超級幼滑充滿牛油香，伴菜仲有大大條蘆筍同埋小蕃茄，非常高質素一道主菜🧀🥔▪️炸薯條加芝士 $ 68薯條係幼身，薯仔質素唔錯幾濃味，加上芝士碎少少鹽同埋
星期六難得放假，下晝要搵一間可以飲酒食小食傾吓計嘅好地方先，睇到近來都幾多人推介喺大角咀嘅一間主打西班牙菜嘅餐廳RU RU ，啱啱上年八月開業就獲得好評，食物質素一定有保證
餐廳唔算太大，但係座位係非常舒適，大部份都係梳化位，到埗有一位非常有禮貌的小妹妹Lisa 招呼我哋，廚房和酒吧係開放式，所有員工都會同你點頭打招呼，最鍾意就係呢種感覺，經理都好好，為我哋介紹店舖推介食物同埋飲品，解決咗我哋選擇困難症嘅煩惱
🌶🫑▪️西班牙辣椒仔 $ 88
最傳統嘅西班牙餐前小食，有紅黃綠三種青椒仔，帶清甜味少少辣，生熟程度啱啱好，脆脆地，少少海鹽調味已經好好食
🥑🍅▪️牛油果蕃茄沙律 $98
非常足料嘅一個沙律，沙律菜係羽衣甘藍，加上清甜嘅蕃茄同埋新鮮嘅牛油果，最重要梗係芝士，加埋自家製嘅沙律醬汁，酸酸甜甜好新鮮好好食
🥔🐮▪️慢煮和和牛臉肉配薯蓉 $ 298
必食推介，和牛臉肉好淋但又帶點煙韌口感，掌握得非常好，而且好入味，超級好食，醬汁唔係太濃味，不會蓋過牛嘅味道，薯蓉超級幼滑充滿牛油香，伴菜仲有大大條蘆筍同埋小蕃茄，非常高質素一道主菜
🧀🥔▪️炸薯條加芝士 $ 68
薯條係幼身，薯仔質素唔錯幾濃味，加上芝士碎
少少鹽同埋黑椒，我都特別喜好係粗身薯條，但原來幼身薯條原來都幾好食，送洒佳品
🍫🫔▪️西班牙脆條配朱古力汁 $ 58
西班牙餐廳一定要食呢個甜品，西班牙油炸鬼
炸得香脆，加上糖粉同埋朱古力醬，超正，為完美嘅一餐作為終結，非常滿足
🥂▪️House White $ 48
Bodegas Barsao Blanco Clasico 2019
HH好抵飲，白酒易入口充滿果香，好啱女仔飲
✨會再度回訪嘅小店，環境坐得舒服，食物質素又高，好適合飲酒傾偈，餐廳所有員工整體服務非常好，令食客感覺好舒服✨
Post
