My Ahjussi (Closed)

放工約咗個喺奧運站返工嘅朋友食晚飯，佢帶我嚟食呢間喺大角咀新開嘅韓國餐廳「My Ahjussi」。其實喺深水埗行去都唔算太遠，不過要識路😂；睇嚟我又可以擴大我個美食地圖。小店嘅裝修好少女風💕，有唔少花花，甚至連天花都係一片雲海☁️。不過燈光就暗啲(可能日頭唔同)，所以啲食物相唔太清晰。題外話，兩位年輕女店員幾好禮貌。餐廳係賣韓國Fusion菜🇰🇷，炸雞、薄餅、漢堡包、飯、意粉同小食等都有，其中主食類仲包一杯熱飲，抵啊！大部份食物價錢都好大眾化，又唔駛收加一。小食類嘅項目暫時未放入主餐牌，喺宣傳單張上反而有相，吸引啲🙈。我哋叫到成枱食物都唔駛三百蚊，而且份量仲好多，其實三個人都夠食👍。每枱有一份前菜，包括好辣泡菜、蕃薯仔同醃蘿蔔粒。卡邦尼煙肉泡菜意粉($72)，呢個超級無敵好食😋。唔好睇意粉個賣相平平無奇，或者以為佢份量好少，兩樣都錯，實際上佢係又美味，又大份。首先，🍝意粉煮得好彈牙，咁樣已經幾乎可以肯定唔會難食。第二，泡菜溝埋卡邦尼汁嘅配搭真係正到不得了！因為泡菜嘅酸辣中和咗卡邦尼忌廉嘅膩，🌶微辣嘅醬汁令到半飽嘅我都開胃番。黃金鹹蛋炸雞($118/6件)，🍗炸雞有得叫半份實在太好了，兩個