日嚐 (Closed)

我睇下啱啱去左大角咀，見到一間好似日本小店咁裝修嘅「日嚐」。木門口已經貼住套餐餐牌，價錢親民。雖然店鋪好細，只有10-14個位，但係好舒服，唔會有壓迫感。而且店主好用心經營，讚啦👍🏻！套餐包括主菜、飯、麵同埋兩款小食，好豐富。我試咗慢煮黑毛豬配肉桂蘋果蓉$78，黑毛豬煎得外脆肉嫩唔鞋，加上蘋果蓉，甜甜地更加吸引味蕾。仲有慢煮封門柳🥩$98，牛味濃郁軟滑多汁，估計廚師煮到五成熟，再加上磨菇汁，另一種味道，好好味！套餐小食方面，柚子紫蕃薯蘋果沙律🍠雪糕咁滑，又香又好味，令人唔能自拔。山葵八爪魚🐙味道清新，八爪魚爽口，再加上少少辣嘅芥辣醬，更加開胃。套餐仲有大大碗鰹魚汁蕎麥麵，唔會太膩，仲爽口彈牙。大大碗日本飯軟香，加上$8嘅明太子同埋醬油蛋，令到白飯完全層次提升，無敵好味！最後加埋$15，飲嘅白桃乳酸梳打同埋百香果梳打，唔會太甜，好開胃，又解渴。總括嚟講，好滿足嘅一餐，值得一試！