Video
Read full review
2024-11-03
1288 views
大角咀有好多小店，呢晚吸引到我行入去嘅就喺呢間木系cafe，舖面唔大，好有溫馨嘅感覺😌慢煮和牛牛小排烤牛骨髓呢個係舖頭其中一樣招牌菜，鍾意牛肉嘅朋友一定會愛上呢個牛骨髓🦴 牛嘅油香超重，入口即溶，加埋面頭有啲炸蒜，增加咗唔少口感☺️ 除咗牛骨髓之外，主菜仲有慢煮嘅和牛牛小排，牛小排入口軟腍，食落口仲好Juicy🐮 我哋仲另外加咗錢要蘭王蛋，蛋汁送飯一流🍳 沙律都有幾款選擇，我地揀咗涼拌菠菜，有少少芝麻喺面，增加香味🥬Lotus焦糖雙層牛角酥窩夫係勁抵食嘅甜品呀！晚市有加配甜品嘅優惠，可以用20蚊就食到呢個牛角酥窩夫🧇 我地揀咗Lotus焦糖口味😆 有雲呢拿雪糕係兩層酥脆嘅牛角包窩夫入面，加埋有焦糖餅碎同埋焦糖醬，食落更加有風味🥐超級開心椰呢個名好特別，係開心果醬配椰子水，店員有提我地要攪拌後飲用，果然清甜嘅椰子水同開心果嘅味道幾夾😛 山茶花冰球拿鐵呢個係打卡必備嘅飲品，見到隔籬枱嗌，我哋又跟住嗌🤣 首先頂頭會有一個冰球，入面包裹住山茶花，然後會有一個小壺嘅山茶花latte☕️ 將latte倒上冰球，用個碗裝住，就可以飲到一杯美味濃郁嘅山茶花latte啦。山茶花嘅味道有少少似茉莉花香，呢個山
大角咀有好多小店，呢晚吸引到我行入去嘅就喺呢間木系cafe，舖面唔大，好有溫馨嘅感覺😌
慢煮和牛牛小排烤牛骨髓
呢個係舖頭其中一樣招牌菜，鍾意牛肉嘅朋友一定會愛上呢個牛骨髓🦴 牛嘅油香超重，入口即溶，加埋面頭有啲炸蒜，增加咗唔少口感☺️ 除咗牛骨髓之外，主菜仲有慢煮嘅和牛牛小排，牛小排入口軟腍，食落口仲好Juicy🐮 我哋仲另外加咗錢要蘭王蛋，蛋汁送飯一流🍳 沙律都有幾款選擇，我地揀咗涼拌菠菜，有少少芝麻喺面，增加香味🥬
Lotus焦糖雙層牛角酥窩夫
係勁抵食嘅甜品呀！晚市有加配甜品嘅優惠，可以用20蚊就食到呢個牛角酥窩夫🧇 我地揀咗Lotus焦糖口味😆 有雲呢拿雪糕係兩層酥脆嘅牛角包窩夫入面，加埋有焦糖餅碎同埋焦糖醬，食落更加有風味🥐
超級開心椰
呢個名好特別，係開心果醬配椰子水，店員有提我地要攪拌後飲用，果然清甜嘅椰子水同開心果嘅味道幾夾😛
山茶花冰球拿鐵
呢個係打卡必備嘅飲品，見到隔籬枱嗌，我哋又跟住嗌🤣 首先頂頭會有一個冰球，入面包裹住山茶花，然後會有一個小壺嘅山茶花latte☕️ 將latte倒上冰球，用個碗裝住，就可以飲到一杯美味濃郁嘅山茶花latte啦。山茶花嘅味道有少少似茉莉花香，呢個山茶花latte有非常濃郁嘅花香💐
呢間小店嘅食物真係好有特色，無論主食定飲品都唔係度度搵得到，而家餐廳仲做緊優惠，推薦大家嚟呢度食啲特色菜式啊🤩
Post
