Marco's Oyster Bar & Grill (港灣豪庭廣場) (Closed)

今晚去大角咀，見呢間餐廳有得食蠔就揀咗呢度晚餐。佢哋有好多唔同種類嘅生蠔，我哋就試咗Pacific Rock生蠔，味道好新鮮，帶有鹹鹹嘅海水味，好好食。食完生蠔，我哋就揀咗黑松露野菌帶子天使麵同燒原隻德國咸豬手兩個set。Set dinner有餐包、前菜同一杯餐飲。前菜可以揀凱撒沙律或牛肝菌蘑菇湯。我哋一人叫咗一樣share。原隻德國咸豬手嘅份量真係好大，兩個人都差啲食唔曬，而且皮脆肉嫩。黑松露野菌帶子天使麵都好出色，不能天使麵同野菌嘅份量都好多，帶子煎到帶有焦香，黑松露香味令人食慾大增。雖然食到好飽，但係甜品係第二個胃，我哋就叫咗意大利檸檬雪糕，真係好有驚喜！兩層雪糕同忌廉嘅口感，加上酸酸地嘅檸檬味，感覺既新鮮又清新，亦唔會太膩，非常好味。