RuRu Tapas Restaurant (Closed)

平時好少去大角咀，原來呢頭都幾多唔同類型嘅餐廳。今次間西班牙餐廳裝修睇落好吸引，一於同朋友試試先。#西班牙辣椒仔 $88 甜甜地嘅椒仔，細細隻紅黃綠又幾得意，係一個好開胃嘅前菜。#西班牙蛋餅 $98口感紮實，係蛋唔overcook嘅情況下入面薯仔全熟。面層仲鋪咗幾塊火腿，增添幾份咸香味。#黑松露雜菌意大利麵 $168好creamy嘅意粉，醬汁好滑，每條意粉都掛到汁。松露味好香，菇都好多，再大份啲都食得落！