麥金.麥金馬來西亞特式茶啡室 (Closed)

呢排成日喺旺角搵嘢食有啲悶，今次轉戰去大角咀🤭搵到呢間食馬拉菜嘅餐廳😍感覺幾正宗，餐廳內牆身掛上馬來西亞為主題嘅照片，裝修佈置好似身處喺當地餐室🍽️🤎肉骨茶 細滲湯底非常濃郁🤩有少少藥材味，但唔係苦，反而係甜甜地😋材料好豐富，有排骨、豬手、雞腳、豆卜、油炸鬼👍🏻全部都好入味🤎砂煲老鼠粉第一次食呢個菜式，原來係銀針粉😆配料有肉碎、蝦米、豬油渣等等，表面打咗一隻生蛋，全部撈埋一齊食好滋味🤤🤎泰式酸辣無骨鳳爪味道中規中矩🙌🏻唔算太辣又唔算太酸😌鳳爪份量都幾多，質感好爽脆🤎美祿恐龍好邪惡嘅飲品🤣面頭有少少美祿粉點綴🤎椰汁斑斕冰椰汁同斑斕嘅味道平均👍🏻