La Vigne (Closed)

大角咀雖然比較唔就腳，主要靠小巴，或者行10-15分鐘去旺角/太子，但其實都有好多好嘢食嫁。今晚我就同女朋友去咗為於大全街嘅意大利餐廳La Vigne食晚飯。La Vigne都頗受歡迎，人氣幾高，去到餐廳竟然近乎爆滿。我哋叫咗兩個risotto。加$15要埋餐湯/沙律，飲品同甜品。是日餐湯係紫椰菜薯蓉忌廉湯配芝士煙肉脆條，紫椰菜薯蓉味好香濃，芝士煙肉脆條好好味。沙律係煙三文魚沙律，沙律菜好新鮮，煙三文魚亦好好味。軟殼蟹南瓜蟹肉意大利飯：每粒飯都被南瓜同蟹肉包住，整個risotto充滿住南瓜同蟹肉嘅味道。最特別嘅係軟殼蟹，一整完整無缺嘅軟殼蟹呈現喺眼前。非常之咁吸睛，自己新手切開軟殼蟹嚟食，夠哂特別。煙燻鴨胸伴西班牙辣肉腸鮮茄意大利飯：依款喺鮮茄底嘅risotto，飯同西班牙辣肉腸粒非常好夾。煙燻鴨胸係原條鴨胸，份量相當充足。煙燻鴨胸嘅鴨油滲入risotto，令整個risotto非常之香。餐飲嘅荔枝紅茶同蜜桃紅茶、好有果香味同紅茶味。最尾食埋是日甜品牛奶布甸同黑芝麻雪糕。完美嘅一餐。