Romanne Leisure Food Concept (Closed)

今日去左大角咀搵食 呢度真係好多各式各樣嘅小店 每間都好有特色今次又黎食我最鍾意嘅西餐喇 店員都好友善 介紹我地呢度最出名嘅係邊幾款食物 又見佢地用心咁教導新同事呢度空間都好大 坐得好舒服午市套餐可以揀 沙律或者餐湯 一個主菜再加一杯嘢飲今日係我最鍾意嘅忌廉蘑菇湯 好creamy 味道濃郁 材料唔吝嗇 啖啖都有好多蘑菇粒粒估唔到午市嘅餐湯都咁高質烤大啡菇芝士自家製牛肉麥漢堡配薯條薯條係粗薯條 剛炸起 外脆內軟個大啡菇比我想像中細 不過都好多汁 麥漢堡食起上來感覺健康啲 自家製牛肉亦都冇咁油膩 鰹魚醬油鑽石蜆意大利麵賣相一百分 一上枱就見到有啲木魚絲喺度飄飄下 意大利麵嘅煙韌程度正合我心意 我係比較鍾意食有咬口嘅意粉 用鰹魚醬油汁整意粉我都係第一次試 味道比較濃郁 好有日本風味 鑽石蜆好新鮮 起碼有兩隻蜆入邊有隻小蟹仔 我每次食到鑽石蜆入邊有小蟹仔我都覺得好得意最後餐飲就叫咗凍咖啡同埋一杯熱榛子朱古力 下次有機會可以再來試下佢嘅晚市