二世祖

Open Now

Now Closed

之前放工想Walk in去食，點知太多人了，所以今次一早訂咗位，去到就入得啦～我哋叫咗一份原隻軟殼蟹龍蝦汁蟹肉海鮮意大利飯，軟殼蟹炸得岩岩好，酥脆香口，而意大利飯每一啖都充滿龍蝦汁，配埋蟹肉好鮮味呀～菠菜忌廉芝士雲吞配蘆筍嘅醬汁好creamy， 每粒入邊呢都包左好豐富嘅芝士餡，食嘅時候仲有少少芝士漿湧出嚟，非常惹味，加埋蘆筍同紅蘿蔔粒，口感豐富。睇到餐牌見到有心太軟，就試下佢哋嘅抹茶心太軟配海鹽味雪糕。心太軟外脆內軟，睇住抹茶醬湧出嚟，流心程度100分，而藍色海鹽味雪糕加埋兩隻眼睛好得意呢，賣相已經好吸引，最重要係食落唔會過甜，yumyum！😍 最後仲有佢哋嘅二世祖特濃朱古力，平時出面飲嘅朱古力好多都係好甜，而二世祖呢杯「特濃」朱古力，飲落香濃得嚟又唔會甜，而且一樽嘅份量都算多，可以兩個人share 呢！