Video
Read full review
2024-09-14
933 views
台蔡滷肉飯 相信大家都聽過，由一對台港夫婦主理，每日鮮製招牌滷肉飯、麵食、夜市小食等台灣料理。味道偏北部風味，受港人熱捧，亦曾獲米芝蓮推介。小偏有幸喺荃灣店開張時食過一次，印象好深刻，可惜之後日日排長龍，想食都冇得食。不過，依家佢喺奧海城大食代開咗分店，餐牌相近，唔洗點排隊，於是小編就去捧下場。九層塔鹽酥雞滷肉飯 $73滷肉飯無疑係主打，每日新鮮製造，豬腩肉肥瘦相間。偏北部口味，味道較鹹重醬香，肉塊會大啲。撈飯食肥而不膩，而且有微微漿口，滿滿骨膠原。惟獨當日飯偏腍，食到多啲飯粒嘅口感會更正。鹽酥雞係小編上次食完念念不忘嘅食物之一，傳統式用地瓜粉油炸，外皮脆口，入面係雞髀肉，嫩滑有肉汁。味道：8.2/10花雕麻油雞湯滷肉飯 $78湯頭熱辣辣，鮮甜重麻油同油香，雞肉易咬唔會乾柴。幾有驚喜。味道：8.2/10涼拌蒜泥豬頸肉 $50會形容係豬頸肉版蒜泥白肉，豬頸肉爽爽哋，蒜味非常之香，再點埋麻辣醬非常惹味。欣賞加埋青瓜同葱，令味道更加清爽。味道：7.6/10台灣蒜片香腸 $35經典台灣小食，勝在香腸品質高，選用老牌台畜香腸，口感紮實，油香豐富。加埋蒜片香味更豐富。味道：8/10大紅袍珍珠奶茶
台蔡滷肉飯 相信大家都聽過，由一對台港夫婦主理，每日鮮製招牌滷肉飯、麵食、夜市小食等台灣料理。味道偏北部風味，受港人熱捧，亦曾獲米芝蓮推介。小偏有幸喺荃灣店開張時食過一次，印象好深刻，可惜之後日日排長龍，想食都冇得食。不過，依家佢喺奧海城大食代開咗分店，餐牌相近，唔洗點排隊，於是小編就去捧下場。
九層塔鹽酥雞滷肉飯 $73
滷肉飯無疑係主打，每日新鮮製造，豬腩肉肥瘦相間。偏北部口味，味道較鹹重醬香，肉塊會大啲。撈飯食肥而不膩，而且有微微漿口，滿滿骨膠原。惟獨當日飯偏腍，食到多啲飯粒嘅口感會更正。
鹽酥雞係小編上次食完念念不忘嘅食物之一，傳統式用地瓜粉油炸，外皮脆口，入面係雞髀肉，嫩滑有肉汁。
味道：8.2/10
花雕麻油雞湯滷肉飯 $78
湯頭熱辣辣，鮮甜重麻油同油香，雞肉易咬唔會乾柴。幾有驚喜。
味道：8.2/10
涼拌蒜泥豬頸肉 $50
會形容係豬頸肉版蒜泥白肉，豬頸肉爽爽哋，蒜味非常之香，再點埋麻辣醬非常惹味。欣賞加埋青瓜同葱，令味道更加清爽。
味道：7.6/10
台灣蒜片香腸 $35
經典台灣小食，勝在香腸品質高，選用老牌台畜香腸，口感紮實，油香豐富。加埋蒜片香味更豐富。
味道：8/10
大紅袍珍珠奶茶（＋$18）
百香果鳳梨烏龍茶（＋$15）
本身對飲品冇乜期望， 但估唔到茶底嘅味道幾香，一啲都唔馬虎。
味道：7.6/10
📍 H台蔡滷肉飯 (大角咀)
大角咀海庭道18號奧海城2期1樓大食代內
Post
