Video
Read full review
2017-01-21
58 views
天氣凍凍哋，最啱就係去打邊爐！今次，比我喺大角嘴揾到呢間質素高，又好好味嘅邊爐鋪，叫表叔火鍋。我個火鍋湯底叫咗香茜皮蛋鍋，湯底又唔會太濃味，又唔辣，啱哂怕熱氣，又鍾意打邊爐嘅我。我呢個食肉獸，打邊爐一定要叫牛肉，今次就叫咗個手切雪花牛頸脊，d牛肉入口即溶，好濃肉味，正！另一個係羊肉片，一d都冇羶味，大家不妨試試。下一款係雲吞，你唔好以為係普通鮮蝦雲吞，佢入面有特別材料，就係黑松露！我第一次食有黑松露嘅雲吞，黑松露同雲吞好夾，雲吞好重黑松露味，值得推介！我除咗係食肉獸之外，仲鍾意食海鮮，呢個新鮮元貝真係唔錯，好新鮮，又甜，唔韌，唔係間間火鍋店嘅海鮮都咁新鮮㗎！打邊爐丸類一定唔少得，呢個鴛鴦墨魚丸真係巴閉，一邊黑色墨魚丸，一邊白色墨魚丸，又特別又彈牙，大家可以試下。食完一大堆肉之後，係時候要食d清d嘅嘢，包括呢個蜂巢豆腐同豆苗。蜂巢豆腐軟綿綿，索哂d湯，好入味；豆苗夠嫩，易入口！最後加番杯蔗水，就完美啦！各位吃貨，一齊開動！
我個火鍋湯底叫咗香茜皮蛋鍋，湯底又唔會太濃味，又唔辣，啱哂怕熱氣，又鍾意打邊爐嘅我。
我呢個食肉獸，打邊爐一定要叫牛肉，今次就叫咗個手切雪花牛頸脊，d牛肉入口即溶，好濃肉味，正！
另一個係羊肉片，一d都冇羶味，大家不妨試試。
下一款係雲吞，你唔好以為係普通鮮蝦雲吞，佢入面有特別材料，就係黑松露！我第一次食有黑松露嘅雲吞，黑松露同雲吞好夾，雲吞好重黑松露味，值得推介！
我除咗係食肉獸之外，仲鍾意食海鮮，呢個新鮮元貝真係唔錯，好新鮮，又甜，唔韌，唔係間間火鍋店嘅海鮮都咁新鮮㗎！
打邊爐丸類一定唔少得，呢個鴛鴦墨魚丸真係巴閉，一邊黑色墨魚丸，一邊白色墨魚丸，又特別又彈牙，大家可以試下。
食完一大堆肉之後，係時候要食d清d嘅嘢，包括呢個蜂巢豆腐同豆苗。蜂巢豆腐軟綿綿，索哂d湯，好入味；豆苗夠嫩，易入口！
最後加番杯蔗水，就完美啦！各位吃貨，一齊開動！
Post
