喜聚坊

Open Now

Now Closed

大角咀入邊有唔少食肆，而今日就揀咗呢間粤菜同川菜嘅餐館食午餐。午餐黎講選擇幾多，款款都好吸引，最後揀咗黯然銷魂飯同埋蔥油流心蛋煎雞扒飯。跟餐附送嘅湯係藥膳湯，個湯有濃濃嘅藥膳味，非常之足料，碗湯撈得出北芪同埋黨參，滋補下個人就啱晒啦。蔥油流心蛋煎雞扒飯食得出佢煮之前特登整平塊雞扒，令到佢煎得更加香脆。伴碟有蔥油同平時少見嘅菜甫，呢兩樣都送飯胃口大增。黯然銷魂飯首先講個叉燒，呢度雖然係瘦叉，但咬落去好淋易入口，絕對冇鞋口嘅感覺，味道亦都很好。另外不得不提佢嘅豉油，入口鮮甜，問個老細先知原來加左大地魚入去，怪唔知得咁好食，豉油撈匀落啲飯度簡直一流！呢間餐廳嘅奶茶同檸茶嘅茶聞落有花香味，都幾特別。