芋圓一 (Closed)

大角嘴良心手作芋圓店 — 芋圓一▫️呢間芋圓一都有好多人推介！係隔離街食完個burger見唔夠飽就食埋個糖水先🤣呢間糖水舖除咗主打芋圓之外，仲有梳乎厘Pancake同埋雪花冰～▫️🥭愛民芒甘露芋圓($43)糖水底係芒果汁，配上芒果粒、西米同埋柚子，好似食得嘅楊枝甘露咁～呢度嘅芋圓係每日純手工製作，唔知係咪因為溝咗芒果汁嘅關係，芋圓就冇咩芋頭味，反而紫薯圓嘅味道就比較突出。而芋圓嘅食落就比較軟淋，唔夠煙韌。▫️🍓士多啤梨雪花冰($65)一嚟到都估唔到係咁大份！顏色都好靚！好pink pink！好少女心！🥰味道係士多啤梨乳酪味，唔單止出邊有士多啤梨乳酪味，裏便都有，每一啖都係有味道嘅，唔會好淡！而白玉都好好食！十分煙韌！好似係平價版嘅冰屋！🍧😍▫️地址：大角咀角祥街48號地舖。