Orange Elephant Thai Restaurant (利奧坊) (Closed)

一直都覺得同利奧坊好有緣，對上一次食居酒屋又喺呢度，再上一次食生酮漢堡都係呢度，明明住得遠，今次都因為食泰國嘢過嚟，特登過嚟搵食~🐔 泰式燒雞（半隻）$128賣相已經好靚，而且外皮炸得香脆，雞肉都結實同鮮嫩，配上甜酸醬食，別有一番風味，雖然略嫌燒雞有啲多骨，但整體味道都唔錯。🍳 蛋網海鮮金邊粉 $94金邊粉口感偏幼且淋身，唔似坊間嘅爽身，但整體味道都唔錯，調味方面甜多過酸，配上各款海鮮例如魚柳同鮮蝦，食落味道甜甜酸酸幾開胃，幾惹味。🍍 原個菠蘿海鮮焗飯 $108一嚟到見到個賣相已經嚇親，飯量都好多，而且好香，入面海鮮同樣豐富，同樣有鮮蝦同魚柳等海鮮，炒飯都炒得幾香，幾有顆粒感，有驚喜嘅係餐廳加咗臘腸喺焗飯入面，更能帶出焗飯嘅甜味。🥭 芒果冰特飲 $36飲品面層有豐富嘅芒果切粒，而且飲落有甜甜嘅芒果沙冰，碎冰飲落比較滑身，味道就中規中矩。