Video
Read full review
2015-08-28
1307 views
好幾年之前睇"蔡瀾歎名菜"知道有攦粉這個地道美食， 上網搜尋終於找到 - 大記攦粉糕點專門店， 仲記得第一次食係用木桶上菜好有特色， 食後覺得都唔錯有水準的一間老店。之後每隔兩三個月就會同老婆再光顧一次， 而每次亦都會買入糕點返屋企， 粉果一定係首選！對上兩三次去已經無咗木桶上菜， 雖然消失的木桶就無話影響到食品的味道， 但係就小咗佢哋應該有嘅地道風味同特色！二零一五年八月二十六日星期三， 應該係我哋倆口子最後一次光顧， 如無意外點都唔會再去食多次!無去一排見到門口寫住 - (已換新餐牌) 咁都應該都無乜嘢吖？入到去坐位無變， 但係人就換曬， 牆上面餐牌唔見咗， 變成標榜健康食物嘅餐單， 無變嘅就只有那些明星合照同牆上依然掛住<蔡瀾推薦>嘅金漆招牌！我倆口子依舊要四寶丸攦粉同豬頸肉攦粉加小食拼盤， 攦粉上檯已經唔係用木桶換成白色大碗， 豬頸肉平時會分開上唔會浸係湯入面， 一邊食一邊覺得攦粉質地有別之前， 湯頭唔同平時味道， 小食拼盤上嘅炸雲吞完全唔係之前個買相， 食完之後幾個鐘個口乾同苦苦澀澀， 真係想知道落咗幾多味精？唔知佢哋係咪已經易手， 如果唔係的話請保持原有水準
之後每隔兩三個月就會同老婆再光顧一次， 而每次亦都會買入糕點返屋企， 粉果一定係首選！
對上兩三次去已經無咗木桶上菜， 雖然消失的木桶就無話影響到食品的味道， 但係就小咗佢哋應該有嘅地道風味同特色！
二零一五年八月二十六日星期三， 應該係我哋倆口子最後一次光顧， 如無意外點都唔會再去食多次!
無去一排見到門口寫住 - (已換新餐牌) 咁都應該都無乜嘢吖？入到去坐位無變， 但係人就換曬， 牆上面餐牌唔見咗， 變成標榜健康食物嘅餐單， 無變嘅就只有那些明星合照同牆上依然掛住<蔡瀾推薦>嘅金漆招牌！
我倆口子依舊要四寶丸攦粉同豬頸肉攦粉加小食拼盤， 攦粉上檯已經唔係用木桶換成白色大碗， 豬頸肉平時會分開上唔會浸係湯入面， 一邊食一邊覺得攦粉質地有別之前， 湯頭唔同平時味道， 小食拼盤上嘅炸雲吞完全唔係之前個買相， 食完之後幾個鐘個口乾同苦苦澀澀， 真係想知道落咗幾多味精？
唔知佢哋係咪已經易手， 如果唔係的話請保持原有水準， 如真係已經易手的話請除下<蔡瀾推薦>呢塊得來不易嘅金漆招牌!
謝謝！
Post