美心鐵路快餐廳 (Closed)

上次寫過火車站附近嘅食店，覺得如果唔親身去番火車站本身啲舖頭寫係對佢地有啲唔公平。所以今次特登去幫襯比番個包膠大家！呢個早餐大概三十八蚊,兩隻蛋，火腿通粉（少得可憐），一杯熱飲，一塊雞扒,一個麵包。先講吓啲好嘅，蛋煎得好靚，呢個可能food court都做唔到。而嗰個營光茄汁就當然有一定快餐廳水準啦，色同味精都夠（真心讚，呢個色同味係本土快餐店嘅特色）。好喇，好嘢講完。唔好嘅嘢，話說嗰日唔想食通心粉想食個丁麵，所以就要求轉，好耐之前幫襯過，加唔知三蚊定五蚊就可以，今次個姐姐同我講話冇得轉，我多口問句，本身冇出前一丁賣，姐姐答我係。其實提供多一個選擇係咪真係咁難，好明顯，提供少一樣，佢地就少樣嘢煩，嚟食嘅人又唔會因為你冇丁麵就唔幫襯（除咗我之外），就算你加錢都唔賣呀，咁food court就冇咁嘅問題。另外一個原因點解要食丁麵係因為嗰通粉比較淋，所以丁麵喺food court浸一浸再食，可能軟硬度啱啱好。同一個價錢，差不多已經可以食個午餐，但大家睇吓個份量，係，咪係一個早餐嘅份量，比多啲你咪又係食唔晒。其實又可能係嘅，但去food court比少三分一錢又可以享用到一個早餐，而且選擇又可