功德林上海素食 (北京道一號)

Open Now

Now Closed

旅居美國嘅家姐同外籍姐夫，正值回港度假，姐夫絕少食中菜，楂筷子嘅樣子好可愛兼攪笑。 同媽媽商量，都係帶佢去見識多方面中菜，今次重係無肉嘅素食中菜呢！一家人陪佢去到尖沙嘴shopping完，就上去北京道嘅功德林醫肚，侍應帶領我地到一個臨近海景位置坐落，開揚舒適。侍應遞上餐前小食苔菜花生 ，味道甜中帶鹹，香脆惹味。點菜都唔問姐夫啦！由我話事，首先嚟嘅雞絲粉皮配上青瓜，味道唔錯，惟可惜麻醬唔夠充足。 乾燒蝦扒西蘭花，賣相一流喎，橙紅色汁液啲大蝦碌，配以翠綠嘅西蘭花好吸引。都聽過同事講，唔可以錯過呢度嘅無錫脆鱔，咬落好脆，切粗條形炸脆，一向鍾意食香脆嘢嘅我，梗係覺得好好味啦！姐夫都樹起手指公呢！但都興趣知道係咩嚟呢！侍應話係用菇類，廚師精心研究而成的。 都係甜品時間了，叫左碗芝麻湯丸給媽媽 佢話啲羌味剛好，甜度適中。原桶豆腐花又點會放過呢？真係即叫即製，所以都要耐心等候，上枱時除跟普遍有嘅黃糖外，特別嘅有清香嘅桂花糖水，呢個又係我嘅“飛佛”，咁要讚嘅梗係豆腐花嘅本身，好夠滑好有豆味 ，好果唔係聽日要返工，我想再等多一桶呢！ 落樓時，姐夫話想回美之前嚟多次喎！