Video
Read full review
2022-08-15
518 views
🥢 沙田圍呢個地方唔係住沙田附近其實根本就唔會入去，但係今次去食一間越南嘢，我真係好推薦沙田朋友仔，甚至唔係住沙田嘅人都可以去試一試 👍🏻 首先講一講餐廳外牆嘅壁畫話得非常之精緻，離遠見到都會比呢一幅色彩繽紛嘅壁畫吸引而走埋去望下餐廳嘅Menu，餐廳裏面嘅員工都係非常友善，而且好細心，店員見到枱面有水會幫我哋抹抹，見我哋兩個人入去食飯會主動問我哋使唔使比兩個碗分餸 ⏳ 上菜速度係極速咁快，好有效率，野飲飲左第一啖啲主菜小食已經陸陸續續黎到，而且賣相都絕對唔係Hea你，餐廳都有花心思去做 ✨ 芝心蝦多士鍾意食香口野嘅朋友呢個真係啱晒你，呢個蝦餅非常之脆而且面頭仲有芝麻，一咬落去裏面有細細隻鮮蝦，蝦蓉，最邪惡最邪惡就係流心芝士，咬落去聽到非常趣嘅格格聲，而且仲非常之熱，絕對即叫即製！ ✨ 脆皮鮮牛腩呢度菜好新奇，因為好少見到餐廳係會做炸牛腩，個炸皮做到非常之有油炸鬼嘅感覺，但係中間餡料就變咗牛腩，牛腩都幾入味，成個小食唔會太油膩，原來牛腩都仲有咁多新玩法 ✨ 越式烤豬頸肉湯河粉佢湯河粉個湯底做得好濃好入味，睇得出餐廳好用心咁熬製個湯底，員工話湯底無用味精，係用藥材同雞殼熬製而成，所以特別
👍🏻 首先講一講餐廳外牆嘅壁畫話得非常之精緻，離遠見到都會比呢一幅色彩繽紛嘅壁畫吸引而走埋去望下餐廳嘅Menu，餐廳裏面嘅員工都係非常友善，而且好細心，店員見到枱面有水會幫我哋抹抹，見我哋兩個人入去食飯會主動問我哋使唔使比兩個碗分餸
⏳ 上菜速度係極速咁快，好有效率，野飲飲左第一啖啲主菜小食已經陸陸續續黎到，而且賣相都絕對唔係Hea你，餐廳都有花心思去做
✨ 芝心蝦多士
鍾意食香口野嘅朋友呢個真係啱晒你，呢個蝦餅非常之脆而且面頭仲有芝麻，一咬落去裏面有細細隻鮮蝦，蝦蓉，最邪惡最邪惡就係流心芝士，咬落去聽到非常趣嘅格格聲，而且仲非常之熱，絕對即叫即製！
✨ 脆皮鮮牛腩
呢度菜好新奇，因為好少見到餐廳係會做炸牛腩，個炸皮做到非常之有油炸鬼嘅感覺，但係中間餡料就變咗牛腩，牛腩都幾入味，成個小食唔會太油膩，原來牛腩都仲有咁多新玩法
✨ 越式烤豬頸肉湯河粉
佢湯河粉個湯底做得好濃好入味，睇得出餐廳好用心咁熬製個湯底，員工話湯底無用味精，係用藥材同雞殼熬製而成，所以特別鮮味，河粉嘅質地非常之滑，唔會太硬唔會淋，淥得啱啱好，裏面當然唔少得有芽菜，芫荽，洋蔥呢啲傳統嘅越南配菜，豬頸肉切得好薄，唔好睇佢好似好淺色，其實醃製得非常之入味，雖然切得好薄但係依然有咬口，冇乜肥膏唔會太大罪惡感
✨ 荔枝沙冰
杯荔枝沙冰好大杯，用加配嘅價錢$12就飲到其實真係好抵，性價比極高，荔枝味好重，非常之清新，冰凍，行到去餐廳覺得好熱飲一杯荔枝沙冰簡直係天堂般的享受，而且佢唔會話融左之後變咗好淡，全杯都係咁濃咁新鮮
✨ 鮮椰青
椰青係落order之後店員即刻劈出嚟嘅，保證新鮮，椰汁非常之香甜裏面亦可以食到椰子肉，如果鍾意飲椰青嘅你一定唔可以錯過，椰青配上越南菜真係一個幾好唔錯嘅配搭
Post
