Video
Read full review
2019-05-20
1027 views
平時入大商場，好難估到會搵到一間具有懷舊特色裝潢嘅餐廳。位於東港城一樓嘅一個轉角位置，就有一間叫做「砂煲兄弟」既港式餐廳，企喺出面真係會俾佢入邊嘅設計吸引！環境入面有種七八十年代嘅風味，門口嘅左手邊係水吧部，右手邊係收銀枱，行到入面最盡就係廚房。就行入去睇吓有咩食啦，裏面原來都幾大，主要分咗兩邊嘅枱櫈，一邊係卡位為主，而另一邊有長枱同兩人/四人枱，如果大圍過嚟食都容納得到。我同友人就坐咗卡位，感覺舒適啲同空間大啲。靜落嚟就聽到有五六十年代嘅歌聲，係許冠傑嘅歌，原來呢度唔單止裝修係懷舊，仲配埋懷舊金曲。 一坐低就迫不及待睇吓餐牌有咩食，選擇有分幾類：煲仔飯，粉麵類，小菜同燉湯。 黎到砂煲兄弟，梗係要試吓佢最有特色嘅煲仔飯，另外點左港式餐必備嘅牛仔骨，仲有焗蜆，甜品就揀咗個西多士。馬來沙嗲火焰牛仔骨 $98 嗌完之後啲嘢食都好快到，首先上咗個牛仔骨，上菜嘅時候點上火燒左一陣，肉質唔會好韌，放入口啱啱好，味道都足夠，唔會太鹹。配上洋蔥同紅椒。 牛油蒜蓉焗蜆 $94之後上左焗蜆，值得稱讚嘅係啲蜆係啖啖肉，餐廳選擇嘅係比較優質嘅蜆，唔似一般茶餐廳既無乜口感，呢度嘅蜆咬落去好有口感，而且感覺好新鮮
環境
入面有種七八十年代嘅風味，門口嘅左手邊係水吧部，右手邊係收銀枱，行到入面最盡就係廚房。就行入去睇吓有咩食啦，裏面原來都幾大，主要分咗兩邊嘅枱櫈，一邊係卡位為主，而另一邊有長枱同兩人/四人枱，如果大圍過嚟食都容納得到。我同友人就坐咗卡位，感覺舒適啲同空間大啲。靜落嚟就聽到有五六十年代嘅歌聲，係許冠傑嘅歌，原來呢度唔單止裝修係懷舊，仲配埋懷舊金曲。
一坐低就迫不及待睇吓餐牌有咩食，選擇有分幾類：煲仔飯，粉麵類，小菜同燉湯。 黎到砂煲兄弟，梗係要試吓佢最有特色嘅煲仔飯，另外點左港式餐必備嘅牛仔骨，仲有焗蜆，甜品就揀咗個西多士。
馬來沙嗲火焰牛仔骨 $98
馬來沙嗲火焰牛仔骨
$98
110 views
1 likes
0 comments
嗌完之後啲嘢食都好快到，首先上咗個牛仔骨，上菜嘅時候點上火燒左一陣，肉質唔會好韌，放入口啱啱好，味道都足夠，唔會太鹹。配上洋蔥同紅椒。
牛油蒜蓉焗蜆 $94
之後上左焗蜆，值得稱讚嘅係啲蜆係啖啖肉，餐廳選擇嘅係比較優質嘅蜆，唔似一般茶餐廳既無乜口感，呢度嘅蜆咬落去好有口感，而且感覺好新鮮同乾淨，食落唔會有沙。有牛油汁係底，不過唔太食得出牛油同蒜蓉嘅味道，可能本人比較重口味，覺得如果味道濃啲嘅話會更好食。
邪惡金莎西多士 $38
西多士係第三樣上嘅餸，一路食其他餸一路食甜品都係一種新體驗。西多士有八大嚿，砌到好似金磚咁，落咗啲煉奶同朱古力醬係表面，仲有啲細細粒嘅黑色同白色朱古力碎，賣相非常吸引，流晒口水。呢個西多士嘅份量認真多，每舊磚原來切開之後係兩塊細細既多士。食落嘅時候仲食到有少少花生醬嘅味，包就整得硬咗啲，視乎個人口味，如果軟啲會更好。
鰻魚牛蒡煲仔飯 $88
鰻魚牛蒡煲仔飯
$88
13 views
0 likes
0 comments
鰻魚牛蒡煲仔飯
$88
54 views
0 likes
0 comments
煲仔飯係壓軸出場，有港式同日式混合嘅風味，鰻魚飯黎講呢個價錢都算抵，鰻魚係薄切，配上一條條嘅牛蒡，切到好幼，口感似咬緊梅菜頭一樣，啲飯粒粒分明，好有煲仔飯嘅味道，有好香嘅飯焦味，如果唔怕熱氣，可以食埋貼邊嘅飯焦，夠晒脆口。
鹹檸七同龍鳳檸樂 跟餸嘢飲半價 $13 （原價 $26）
好開胃，同解暑，好啱夏天去飲，配上熱辣辣嘅飯餸一流。
兩人消費$378，呢度嘅環境都幾舒適嘅，想體驗下香港嘅懷舊不妨一試。
附：餐牌
Post
