醬缸韓國料理 (Moved) New Location

今日中午嚟到佐敦，行嚟行去諗唔到食咩好，於是又去了醬缸，雖然上次對佢嘅醬油蟹有點失望，但都比多次機會自己試下其他嘢食啦。今日點了個大醬湯，呢個實穩陣啦，煮法不算難。而且只係$48包埋白飯，算係咁啦。一嚟到熱辣辣好香呀，湯不會過鹹，味道還不錯，材料以豆腐居多，有大蔥，洋蔥，少量泡菜(放心，不辣的)，有小小的兩隻蜆，幾條金菇，同埋脆肉瓜，白飯泡在大醬湯裡，我幾乎可以食晒雖然不至於好好食，但足夠食得滿足。