Timber

Open Now

Now Closed

朋友介紹來到尖沙咀呢間新開嘅樓上酒吧，店面都算幾大而且樓底頗高，加上有個落地大玻璃窗戶，感覺開揚舒適。另外酒吧設計走型格路線，裏面更有飛鏢、氣墊球同有大量酒game嘅電子遊戲枱，有咁多設施唔駛齋飲咁dry!餐牌上有五花八門嘅cocktail款式，而且仲要唔係出面常有個幾款，好多都好有特色，就好似我叫左呢個oh la la，係店內主打之一，飲落好香熱情果味，又唔會太甜味道好fresh!Cloud Breal Zinfandel 店員介紹呢款紅酒比較易入口，果然飲落味道唔會太嗆，但係又有淡淡果甜嘅after taste，可能太易入口唔覺意好快就飲晒。Pale Clouds Sauvignon Blanc由於杯紅酒太好飲，所以就決定再追加呢杯白酒，呢杯同樣易入口，味道偏酸。店內另外仲有供應三款小食: 炸蝦丸、雞翼及薯角，啱晒送酒食，其中最鍾意呢度嘅炸蝦丸，做得彈牙而且炸粉又唔會太厚。