大鑊 (Closed)

早兩日係銅鑼灣做嘢，經過希雲街見到開左間裝修型格既新米線店🍜係門口睇左陣餐牌，見佢有四種特色湯底：36小時熬花膠大筒骨湯🤤、一百斤蕃茄湯底🍅、老壇陳釀酸菜湯😮同辣而不燥麻辣湯🔥又有超多配料選擇，仲有唔同小食🥟同飲品🥤愈望愈肚餓😖即刻入去開餐先🤗心大心細既我最後揀左廚師推介👨‍🍳其中一款：一百斤蕃茄濃湯（芝士腸、墨魚丸、金茹、雪花雞絲、午餐肉餃）神戶拉麵🍜上餐時店員會細心幫客人打開鍋蓋，一打開就會見到好紅既蕃茄湯底，之後每樣餸菜擺到好整齊！湯底一飲就知落足料，而且會有新鮮蕃茄蓉！而麵底超多🤗芝士腸爽脆，墨魚丸同金菇新鮮彈牙，雪花雞絲質感不錯，而最特別係午餐肉餃！咬一口先發覺仲加有菜脯係入面，令到餃子既口感更加豐富！之後仲叫左杯熱情果加椰果紅茶🥰超甜超爽皮呀！呢餐加埋都係一百蚊有找咋😆