街頭火鍋

Open Now

Now Closed

呢排好想去食唔同種類或者唔同烹調方法嘅雞肉，俾我朋友介紹咗去呢一間有特色三黃雞嘅火鍋。首先去到嘅時候店員都十分之熱情咁去推薦我哋可以嘗試嘅菜式，將你嘅需求同店員講完之後就會有非常好嘅推介！🐥講到明想食雞嘅時候，店員就推薦左呢一個新鮮三黃雞，配上一個花膠濃雞湯嘅火鍋湯底。唔單止滿足到我哋想食雞嘅要求，而且仲係女仔非常友善嘅湯底。濃郁嘅雞油配合埋每一啖都彈牙嘅花膠，一路食一路感受到愛人愛到愛咁樣去補充緊啲骨膠原👍🏻🐷我哋除咗食雞之外，仲發現咗一個出邊比較少見到嘅豬黃喉，佢個口感係比較爽口，食落去會係爽脆有咬口嘅感覺，配上濃郁嘅花膠雞湯，真係可以唔使醬汁都可以！🧆小食方面，我哋叫咗佢哋自家製嘅懷舊魚肉燒賣，好感到十分之蛋，而且佢嘅魚肉味都十分之濃郁，配上甜甜嘅豉油。我哋仲叫咗個台式臭豆腐，感覺就好似去咗台灣食咁，外脆內軟。