駿景軒

Open Now

Now Closed

終於到咗月頭，可以同朋友食餐好嘅，知道灣仔駿景酒店有間餐館好出名，特登去試吓，交通尚算方便地鐵站一出行7分鐘就到，餐廳位於酒店裝修同埋格局都好有氣派，我哋被安排坐喺二人枱，之後我哋開始點餐，首先嗌咗黑松露手撕雞，開胃菜師傅把炸子雞撕開一條條，加上黑松露嘅香氣，簡直係冇得彈，之後有我最鍾意食嘅拔絲咕嚕肉，用咗麥芽糖去調甜味將咕嚕肉度包住，簡直係恰到好處，而且師傅將豬肉炸得好香脆，咬落去唔會太油膩，仲有炸蟹鉗，份量非常足夠，而且咬落去啖啖肉，亦都係今晚水準之一，最後點左安格斯牛肉炒飯，炒飯粒粒分明，加上安格斯牛肉配上師傅嘅醬汁簡直係冇得彈係我食過最好食嘅炒飯，加上用沙煱上菜令到炒飯更加香口，總括而言呢間餐廳水準服務都好高，下次可以再試吓其他菜式。