相馬日式火鍋 (Closed)

適逢大閘蟹當造嘅季節，最近都有留意相關餐廳嘅任食大閘蟹放題，比較過後揀咗呢一間，除地點就腳外，評價亦較高😉大閘蟹果然冇令我失望，蟹膏豐富，呈流質狀😍甘香juicy，成隻都係精華，值回票價。甜豉油湯底甜鹹比例適中，為配料倍添滋味。豚骨湯底非常足料，呈奶白色😍味道醇厚馥郁～我哋點咗啲日式炸物，包括蝦餅、庶蝦、蝦多士、蝦球、吉列蝦、米網蝦春卷、芝士春卷、特色炸雞蛋、甜蕃薯仔同午餐肉。炸蛋有驚喜，外酥內軟，一咬流出濃稠蛋漿🤤仲開咗枝杜藏—純米大吟釀，清酒配炸物，居酒屋風味十足！微微清香，幾順喉👍🏻