大澳德發 (Closed)

黎到食大閘蟹既季節, 見到大澳德發出左放題而且價錢又唔算貴就黎試試佢😌兩個人被安排坐係二樓既卡位, 位置光猛企理, 店員都好有禮貌咁解釋左用餐時間同放題既內容, 基本上就係小菜就一人叫一份, 其餘海鮮包括蟹、鮑魚、生蠔、刺身、卜卜蜆等等都係任食, 了解完就即刻落order等食啦等左大約十分鐘, 刺身同小菜都陸續上, 我地叫左黃酒煮雞同酸菜魚, 兩款小菜都幾高水準, 個黃酒湯飲完真係成個胃都暖哂☺️卜卜蜆係原煲上枱用gas爐煮, 隻隻蜆都超大隻, 而且全部都好甜兼冇沙！不過因為煲蜆霸左個爐, 而其他海鮮都係要自己蒸, 所以唯有快啲清哂煲蜆, 個刻就有少少狼狽🫣大閘蟹全部都係公蟹, 唔算好大隻亦冇去到爆羔,不過勝在refill速度快, 所以食多幾隻都抵返~生蠔同鮑魚都好新鮮又大隻, 啖啖肉勁滿足👍🏻奄仔蟹就麻麻地, 食到一兩隻死蟹😵‍💫抵讚既係雖然見到啲店員忙到踢哂腳,但絕對唔會叫完佢幫手之後就冇左影. 全晚都冇漏過單之餘態度都好有禮貌, 係值得推介既😋