瀛豐放題料理專門店

Open Now

Now Closed

今日係一年一度中同加生日飯聚，之前每年都有人投訴，一係地點唔就腳，一係就唔岩食。咁岩社交平台碌到呢間係銅鑼灣，仲要做緊大閘蟹放題。係group度一致通過立刻扑鎚。一入門口就經過甜品櫃，都有幾多選擇。之後就係4大櫃嘅飲品，都有幾多特別野飲，我就攞左罐薑母茶打個底先。埋位坐低，侍應提我地大閘蟹係即叫即蒸。我地把握時間，立刻落單叫左海鮮拼盤同埋海膽帶子，刺身都叫左一輪。落左單一陣野食就送哂黎。刺身係肉眼可見的新鮮肥美，牡丹蝦超大隻，蝦頭蝦膏一絕。海鮮拼盤都十分出色，蟹腳好鮮甜，鮑魚大大隻又彈牙，一d都唔韌。海膽帶子完美配搭，鮮上加鮮。人地生日會食蛋糕，我地就係海膽帶子上面加上滿滿魚子醬，整一個奢華小蛋糕比壽星。第一輪海鮮刺身未食完，主角大閘蟹就黎到。望落十分靚仔。打開一隻真係不得了，蟹羔超多，一口濃稠嘅鮮味直衝上腦。放題嘅好處就係想食乜就叫乜，唔駛問黎問去。呢個鹹蛋黃炒薯條熱辣辣，超香口，眨下眼就食清一碟。最後叫多碗芫茜三文魚豆腐湯，用溫暖滿足嘅感覺結尾。