Video
Read full review
2024-10-23
740 views
《東海薈 · 拉斐特 - 青衣》今年蟹季so far已經食左第五轉蟹啦🤣過完大閘蟹季真係要停戰一排先得🤫琴日又同左一班frd 子入左青衣食大閘蟹宴🦀六個人剛剛好可以叫個皇者大閘蟹六人餐，除左有2皇1后既大閘蟹之外，個套餐仲有不少用蟹粉蟹肉製作既菜式🥴十分豐富😍至於蟹方面，每隻公大約都五兩，而乸每隻約三兩，每人三隻蟹，六個人就有18隻咁多，拎上枱既時候都幾壯觀架🦀🦀🦀💁🏻♀️錦繡四品前菜四品分別有叉燒、雞絲粉皮、手拍青瓜🥒同埋醉雞件，叉燒係半肥瘦的，咬落彈牙有口感，而雞絲粉皮入面有青瓜絲拌碟，食落爽脆清新又有麻醬既香氣，個個都爭住食😜手拍青瓜同樣係口感爽脆清甜，個醋汁食落微酸幾開胃，最後就係個微微酒香既醉雞啦，喜歡佢既外皮係冰爽入味，雞肉又可以保持到嫩滑💁🏻♀️鮮拆蟹粉小籠包之後就係必食既蟹粉小籠包，每人一粒唔洗爭，記住要襯熱食咼，入面既蟹粉同鮮肉融入後十分鮮味，蟹粉味道都算出，不過唔算太爆汁，但整體味道不錯的🫶🏻💁🏻♀️清蒸大閘蟹 主角大閘蟹先上左公先，等我地食完曬之後餐廳會安排再上埋隻乸，咁就唔怕咁易凍曬啦，五兩既公蟹都幾大隻，呢個時候已經開始多白膏，我兩隻公啲膏都幾飽滿的🥰我諗等到
今年蟹季so far已經食左第五轉蟹啦🤣過完大閘蟹季真係要停戰一排先得🤫琴日又同左一班frd 子入左青衣食大閘蟹宴🦀六個人剛剛好可以叫個皇者大閘蟹六人餐，除左有2皇1后既大閘蟹之外，個套餐仲有不少用蟹粉蟹肉製作既菜式🥴十分豐富😍至於蟹方面，每隻公大約都五兩，而乸每隻約三兩，每人三隻蟹，六個人就有18隻咁多，拎上枱既時候都幾壯觀架🦀🦀🦀
💁🏻♀️錦繡四品
前菜四品分別有叉燒、雞絲粉皮、手拍青瓜🥒同埋醉雞件，叉燒係半肥瘦的，咬落彈牙有口感，而雞絲粉皮入面有青瓜絲拌碟，食落爽脆清新又有麻醬既香氣，個個都爭住食😜手拍青瓜同樣係口感爽脆清甜，個醋汁食落微酸幾開胃，最後就係個微微酒香既醉雞啦，喜歡佢既外皮係冰爽入味，雞肉又可以保持到嫩滑
💁🏻♀️鮮拆蟹粉小籠包
之後就係必食既蟹粉小籠包，每人一粒唔洗爭，記住要襯熱食咼，入面既蟹粉同鮮肉融入後十分鮮味，蟹粉味道都算出，不過唔算太爆汁，但整體味道不錯的🫶🏻
💁🏻♀️清蒸大閘蟹
主角大閘蟹先上左公先，等我地食完曬之後餐廳會安排再上埋隻乸，咁就唔怕咁易凍曬啦，五兩既公蟹都幾大隻，呢個時候已經開始多白膏，我兩隻公啲膏都幾飽滿的🥰我諗等到十一月啲白膏應該會更正👍🏻乸對比起公就當然細隻少少啦，佢啲膏相對較實淨，細細隻但都幾爆膏呀🥴食三隻夠曬數💁🏻♀️花膠雞絲羹
食完蟹之後當然要清清口腔，食左個花膠雞絲羹中和一下口腔既蟹味，入面既花膠片幾大條，啖啖都足料架，個湯底都唔會太濃味，當湯飲都幾飽肚
💁🏻♀️頭抽煎虎蝦
呢個蝦我覺得都幾出色，因為掛住食羹既關係，搞到隻蝦有少少凍左無咁熱辣辣，但都仲係老遠都聞到個頭抽既香氣，虎蝦巨大隻🦐煎香完之後個頭個外皮都脆卜卜好香口，連個殼都脆到可以食埋落肚，十分惹味
💁🏻♀️蟹粉蒜茸包
估唔到一片少少既蒜蓉包都可以咁邪惡，睇落平平無奇，但落埋個蟹粉醬汁後真係極之吸引呀😍有三大兜蟹粉醬比我地任用，厚搽上麵包都用唔曬呀，食落甘香濃郁，配上酥脆既蒜蓉包真係超guilty呀
💁🏻♀️鮮茄菌皇浸時蔬
去到最尾竟然係食菜？🤔但我地一至都認為個菜其實幾好食，因為個湯係十分鮮甜的，小白菜吸曬啲湯汁後有鮮上加鮮既感覺🥬仲滲透出陣陣既菇香添👍🏻清清地但好好食
💁🏻♀️窩心薑茶湯丸
⋯⋯食左咁多蟹，又點可以唔飲番薑茶咼🤓佢個薑茶微微辛辣，飲完個肚暖笠笠好暖胃，仲有三粒芝麻湯丸喺度添，食完直頭飽到上心口呀😮💨
Post
