Cruise Restaurant & Bar

Open Now

Now Closed

大閘蟹嘅季節就嚟食吓Cruise嘅「Feed Me！晚市套餐」🦀每位$598，套餐有冷木耳沙拉、黃咖哩蟹湯、大閘蟹小籠包、鎮江醋薑蒸公大閘蟹、清蒸花蟹拼米粉、燉煮和牛牛柳、枸杞燴小白菜、生薑奶凍配新鮮芒果及紅糖漿🥗冷木耳沙拉內有捲心萵苣、辣椒、脆乾蔥、檸檬葉，食落去感覺清新、而且帶微酸嘅感覺好開胃🥘黃咖喱蟹湯內有檸檬草、椰奶、新鮮青檸，黃咖喱濃味但係唔辣，而且唔係稠身嗰種，好濃味同入味，蟹肉嘅份量好多而且好新鮮🦀大閘蟹嘅配搭包括有小籠包同埋鎮江醋薑蒸，小籠包嘅餡內有大閘蟹，面頭亦都有大閘蟹嘅蟹膏，內外都有好濃郁嘅蟹味；鎮江醋薑蒸公大閘蟹嘅size唔細，蟹膏亦唔少，味道新鮮鮮甜🦀清蒸花蟹拼米粉，清蒸花蟹好香花雕酒味，蟹嘅size唔細好多蟹肉，而且索晒花雕酒嘅味好唔錯🌶️燉煮和牛牛柳用咗水煮嘅方式，有花椒、辣椒、蔥、榨菜等等，食落去嘅時候帶辣，我自己食開小辣都食到，和牛嘅質素好好，好有牛味，而且入晒辣味好唔錯🥬枸杞燴小白菜，清清地食返依款小白菜，用蒜炒嘅方式，加入杞子等等做配菜，輕輕帶出小白菜嘅甜味🫚甜品係生薑奶凍配新鮮芒果、紅糖漿，好多人都話食完大閘蟹就飲番杯薑茶或者薑水，呢一個套餐好貼心