Video
Read full review
2023-09-27
23 views
以前去大阪旅行都會去食炸串，今次就去咗銅鑼灣一間樓上居酒屋，主打超多款大阪炸串，同其他日本料理，可以回味一下(*˘︶˘*).🐮和牛Carpaccio $148和牛呈半生熟，肉質柔軟帶油香，搭配三文魚籽同洋蔥絲沙律，味道酸甜開胃好清新。 .🍳 鐵板海鮮明太子 $68將明太子、山藥、章魚粒、生蛋黃撈均一齊食，食落有啲似章魚燒，但口感更濕潤黏滑，用鐵板上可以keep住熱辣辣，個底仲有啲脆。.🍢 串カツ炸串即叫即炸，外層炸皮輕薄酥脆，唔會有油膩感。✧ 帆立貝 $25帆立貝無炸到全熟，肉質鮮甜仲有刺身口感。✧ 櫻花蝦伴魚蓉 $48魚蓉入面混入櫻花蝦，結實彈牙。✧ 日本秋葵蝦 $22秋葵中間釀了蝦肉，再沾上炸漿，口感特別幾有心思。✧ 日本雞蛋豬肉卷 $38薄薄嘅豬肉片包住溏心蛋，外脆內軟，溏心蛋有流心效果，蛋味濃郁。.🐥 炸博多地雞雞全翼 $32雞翼皮好薄，炸得金黃香脆，肉質有彈性雞味濃郁，非常香口。.🐟 白燒鰻魚 $78比起一般浦燒鰻魚，白燒更加可以食到到鰻魚本身嘅魚味，肉質軟嫩燒得帶點焦香，另配有蒲燒汁，想更濃味可以自己蘸。.🐟 汁煮油甘魚鮫 $168油甘魚鮫充滿魚油甘香，魚肉幼滑結實，醬汁
.
🐮和牛Carpaccio $148
和牛呈半生熟，肉質柔軟帶油香，搭配三文魚籽同洋蔥絲沙律，味道酸甜開胃好清新。
.
🍳 鐵板海鮮明太子 $68
將明太子、山藥、章魚粒、生蛋黃撈均一齊食，食落有啲似章魚燒，但口感更濕潤黏滑，用鐵板上可以keep住熱辣辣，個底仲有啲脆。
.
🍢 串カツ
炸串即叫即炸，外層炸皮輕薄酥脆，唔會有油膩感。
✧ 帆立貝 $25
帆立貝無炸到全熟，肉質鮮甜仲有刺身口感。
✧ 櫻花蝦伴魚蓉 $48
魚蓉入面混入櫻花蝦，結實彈牙。
✧ 日本秋葵蝦 $22
秋葵中間釀了蝦肉，再沾上炸漿，口感特別幾有心思。
✧ 日本雞蛋豬肉卷 $38
薄薄嘅豬肉片包住溏心蛋，外脆內軟，溏心蛋有流心效果，蛋味濃郁。
.
🐥 炸博多地雞雞全翼 $32
雞翼皮好薄，炸得金黃香脆，肉質有彈性雞味濃郁，非常香口。
.
🐟 白燒鰻魚 $78
比起一般浦燒鰻魚，白燒更加可以食到到鰻魚本身嘅魚味，肉質軟嫩燒得帶點焦香，另配有蒲燒汁，想更濃味可以自己蘸。
.
🐟 汁煮油甘魚鮫 $168
油甘魚鮫充滿魚油甘香，魚肉幼滑結實，醬汁甜甜地，香濃入味。
.
🐡 雞泡魚干 $88
雞泡魚干煙韌有咬口，蘸埋七味粉沙律醬更滋味。
.
🍱 手拌壽司定食 $168
木桶壽司飯鋪上油漬鰹魚刺身，肉質新鮮魚味濃，定食仲配有烏冬、麵豉湯、沙律、前菜，漬物同飲品。
.
🍺 Kirin Ichiban Frozen Beer $68
有成十幾款果味啤酒，揀咗桃味試吓。啤酒上面有層厚厚嘅沙冰，酒味唔濃易入口，帶有淡淡果味，冰凍爽口，配炸串一流。
.
🍹 Calpis Soda
乳酸梳打味道清爽。
.
總括而言：餐廳裝潢相當有日本地道風味，氣氛唔錯。主打嘅大阪炸串有成30幾款，有齊肉類海鮮蔬菜。其他食物有日式小食、刺身、燒生蠔、牛腸鍋、定食等好多選擇。飲吓啤酒食吓炸串同日本嘢，幾享受(´ε｀ )
Post
