串カツ専門店

Open Now

Now Closed

🍢串燒就平時食得多，日式炸串真係未試過！銅鑼灣呢間樓上居酒屋，雖然主打大阪炸串，但其他日本料理也一樣唔可以錯過。環境係深夜食堂feel，好多一班朋友嚟食嘢添。🍣一坐低，每人可以揀一款開胃前菜，然後叫左刺身三點，三款厚切刺身，件件都新鮮肥美，真心推介！🐙跟著係鐵板海鮮明太子，質感濕潤黏滑，鹹香惹味，裡面有好多八爪魚粒，咬落去超彈牙。🌟炸串選擇超多，全部都係即叫即整，熱辣辣香噴噴，口感卜卜脆，完全唔油膩，配上冰凍啤酒簡直一流！我試過以下幾款：- 日本雞蛋豬肉卷- 松葉蟹鉗- 黑和牛- 特選牛- 牡蠣甲豬肉卷- 多春魚- 八爪魚丸🦪鐵盒蒸日本生蠔（半打）生蠔肉質厚實，充滿海水鮮味，配上店家特調醬汁，特別滿足！👍🏻麻醬蕎麥麵，將雞蛋同多款配料撈埋一齊，口感層次豐富，蕎麥麵掛滿醬汁，絕對係店員推介得冇錯！🍺✨🌹Frozen Beer面頭嘅啤酒沙冰非常吸睛，感覺好似冰淇淋，玫瑰味清甜好飲。