東京食堂 (Closed)

位於柯士甸路的和食小店「東京食堂」位置勁難找，若非專程去找便很難察覺它的存在。上次在這裏吃了大阪燒留下良好印像。這裏的大阪燒，我看見廚師在開放式廚房由開漿到完成的整個過程，即叫即做，夠晒新鮮。它的粉漿夠厚，下了大量椰菜配上煙肉，表面再加大量紫菜及木魚絲。平心而論不夠大阪吃到的美味，但勝在味道有住家feel且份量足，而個醬汁也唔錯。即使要九十幾元我也覺值得。同場吃的雞肉串燒也好味。隔了幾個月後，日前再光顧便吃上次沒有叫的鰻魚飯。$68要了半條蒲燒鰻魚，加多$20變有飯及湯的定食 。雖然話半條，但感覺都幾大條，個燒汁亦很下飯，不俗。此店細少，坐得唔會太舒服，但感覺個廚師做菜幾有heart，唔錯。