屯の大阪章魚燒 (Closed)

今日男朋友話去屯門行街，行完夜晚帶我去試新野，落住雨既晚上，男朋友話其實係帶我食(佢最愛的)章魚小丸子對於我地都唔熟識屯門既關係，又西鐵又輕鐵，又過橋再搵路，我真係非常懷疑地問男朋友: 你肯定呢度有得食小丸子?兜左兩個圈，原來一直miss左個入口，終於到喇!!平時好多人排隊，但呢日竟然得兩個人等緊，我地揀左明太子小丸子大約等左五分鐘，新鮮熱辣放入盒，另一位店員加我最愛既明太子同醬料，嘩，好多明太子，超熱，超多醬呀!!!!!!!食一口，我真心覺得大阪既感覺番曬黎呀!!!好足料，好軟淋，入面既章魚好大粒，好爽既，雖然好中意明太子，不過多得濟有點咸~~章魚小丸子迷既男朋友，話難得入到黎，忍唔住買多八粒食，滿足到佢既樣子呀!!