SAKImoto bakery 嵜本 高級Shokupan專門店 (海港城) (Closed)

日本得奬Shokupan，有兩種麵包嘅選擇，極生同埋極美，極生係無蛋，用湯種及中種嘅製法，會加埋牛奶同埋蜂蜜，18小時低溫發酵；而極美係無蛋無奶，用湯種製法。佢哋有15款日本直送手工果醬嘅選擇，分咗三大類 - 水果果醬、牛奶果醬以及日式果醬。堂食可以揀3款果醬及1款牛油，佢會將個包切成九宮格，每一格都可以放唔同嘅果醬/牛油。我揀咗極生，麵包外層微脆，口感軟綿綿，非常鬆軟，仲有淡淡既甜味。今次試咗極美Shokupan，配紅寶石玫瑰紅桑子醬、藍寶石藍莓醬、同埋開心果醬，紅桑子醬同埋藍莓醬係用真水果加埋香料配搭而成，仲見到粒粒嘅生果，食落去好香嘅果味，酸酸地，個人覺得配麵包食好夾；而開心果醬係用淡路島牛奶同埋北海道忌廉，在加入煉奶而成，食到淡淡的開心果香味，非常creamy，微甜。