花丸軒

Open Now

Now Closed

最近知道位於大阪嘅拉麵店 - 花丸軒喺香港開分店，就決定一於同👦🏻食！之前去旅行是已經好想食，可惜當時太多餐廳想去，就放棄咗呢一間豬軟骨拉麵店🥲。雖然香港分店嘅價錢貴過日本，但係唔使坐飛機就食到，即刻覺得冇問題！🌟招牌原條慢煮豬軟骨拉麵配溏心蛋一嚟到就比豬軟骨嘅Size嚇親，聽聞長度有成25cm！而豬軟骨嘅質感並唔係平時食開舊朋仲係奶白色爽爽地，而係入曬醬汁味道，食軟骨就好似食緊啫喱咁，骨膠原滿滿嘅感覺😍！即使係瘦肉部分，亦唔會覺得柴！至於湯底部分，湯底有濃厚豬骨加醬油風味，入口順滑唔會太騷。湯底面層嘅油更能夠幫拉麵保溫🍜。🌟幸福拉麵二重奏(叉燒、豬軟骨) 配溏心蛋至於幸福拉麵二重奏嘅麵底同湯底基本上同豬軟骨拉麵大同小異。而叉燒就用咗五花腩，肥瘦均勻，有略略炙燒，唔會太油膩。另外要讚下佢地嘅溏心蛋，個人認為係近排食過嘅拉麵店嚟講算高質，蛋白入味，蛋黃部分呈橙黃色，保留少少流心。🌟唐揚炸雞炸雞一如其他炸雞，都保留大量肉汁夠曬Juicy。醬汁相信係店家特調嘅，蛋黃醬比坊間嘅更輕盈。