大阪王將 (Closed)

同朋友係尖沙咀行街，行到Sogo有d肚餓又想坐下，見到大阪王將就試下。我地點左和風雞扒醬油拉麵、元祖手製煎餃子同明太子餃子。首先試嘅係和風雞扒醬油拉麵，雞扒炸得啱啱好，可以鎖住d雞汁，唔會太乾，好juicy。醬油拉麵湯底一般，但麵質ok,唔會太淋。然後試嘅係元祖手製煎餃子，餃子煎到金黃色，又唔會太油，配合酸酸地嘅餃子汁，味道唔錯。至於明太子餃子就更加好食，因為明太子味道更濃，可以比較突出肉質嘅鮮香。