金田長壽司 (Closed)

近年最興日式放題，愛吃日本菜的我曾經光顧過幾家，但總覺得一分錢一分貨，又唔太喜歡迫迫夾夾、限時限刻。又可能年紀漸長，胃口不大，於是對“大件夾抵食”說sayonara, 反之對質素就有啲要求。星期日晚行開尖沙咀，轉入柯士甸道，見到原來都好有多食肆。因我同老公最愛日本菜，而仔仔最鍾意食手卷，所以走咗入一間唔太起眼嘅“金田長”(後來上openrice先知咁多like)。可能我哋早，六點到，唔駛點等就可入坐。我哋order咗8吋長嘅壽司，我仔仔就叫咗客手卷，waitress問要大定細，我覺得好出奇，原來大size有成個珍寶雪糕筒咁大，我仔仔好興奮，當食雪糕咁食，仲再來一個㖭！而我要講吓嘅係，8吋長壽司實在值得一讚，皆因我愛魚生，但總喜歡夾埋飯一齊食，又唔想舊飯太大舊，容易飽，所以呢個8吋嘅設計啱晒 我。(我係咪太麻煩呢？)我哋仲有order其他熱食，一般中上水評，三文魚頭就燒得唔錯。最驚喜是臨走時waitress送給我們一盒日本小食包做禮物，我個仔最開心！食物質素算唔錯，服務員都好醒目(服務員嘅態度我覺得好重要)。 不過餐廳就略嫌唔夠光猛，而且要行一小段樓梯先到正門，比較隔涉，真可說是大隱隱於