Stacks (Closed)

今日晚飯過後就黎附近搵甜品食，行到半路醒起早前大隻仔開左間SHOP賣曲奇雪糕三文治，咁就黎左呢邊食。鋪頭唔難搵，係御前xx對面，地點都算方便就腳。因為10點3先黎到，已經有好多味都賣哂，最想試既楓糖煙肉都賣哂，剩反玫瑰花、雲呢拿同埋曲奇怪獸，味道唔算特別，期望日後會多小小特別口味。最後揀左既配搭係：玫瑰花雪糕+榛子曲奇&紅莓芝士+oreo曲奇配料。配料唔包，要另外每款+$2total要$55埋單，價錢唔算平，略貴。味道方面，玫瑰花雪糕味道清新，就算連曲奇食都唔會食唔到玫瑰味，唔錯唔錯曲奇係屬於美式曲奇，會偏軟帶點煙un，紅莓芝士好香口！但榛子味道唔太突出，反而紅莓算有驚喜。店員會提反點樣食係最好味，就係要連曲奇一齊咬，同埋最緊要既係，店員全程有手套，雪糕會有蓋蓋好，唔似出面既雪糕店咁比個樣你睇，衛生都算好，抵讚不過下次路過見到岩口味都可能會再食一次，但就唔會特登走去買，一黎$55唔算平，二黎係同街應該有更好選擇，但不妨一試既，始終味道都唔差！