洛奇冰室 (Closed)

銅鑼灣雖然有好多餐廳，但茶餐廳同冰室相對較少，之前見到登龍街開左一間好健身中心既冰室「洛奇冰室」😂唔知點解好似大隻佬一定係叫Rocky咁，唔知冰室老闆係咪真係叫 Rocky 同咁大隻呢？😂😂😂舖頭用少喺冰室見既藍白色裝修，感覺都幾舒服同簡潔，枱與枱之間都幾夠空間唔會覺得好迫😊我見到原來晚巿會變身成為火鍋，感覺應該會幾舒服😌重量級洛奇特餐系列瑞士汁雞髀芝士辛辣麵$60+$12（雞扒）我認我貪心樣樣都想試，所以迫另一半食我想食既😂依個餐真係好鬼吸引，本身茶餐廳/冰室好少用辛辣麵，有都要加錢，個餐仲要係芝士辛辣麵🤭🤭又可以跟我最愛既瑞士汁雞髀🍗仲有火腿炒蛋同牛角酥，依二樣就正常發揮啦！其實佢提供左好多配料可以追加，咁我地就加件雞扒，個餐完全岩哂我樣樣都想食既人😅芝士鮮茄火腿腸仔焗意粉$62其實呢～我本身係點芝士肉醬牛扒焗意粉，但落單姐姐可能入錯，我自己又無再睇單🤪錯有錯著，佢令我回憶返讀書時既味道，人大左永遠都點比較豐富既口味，今次可以懷念一下，但真心佢係焗得靚仔既😝紅豆奶茶$27 因為條街實在太熱，邊有可能唔叫凍飲啫😂見餐牌有紅豆奶茶又不如試下，又幾好飲喎，紅豆大大粒又唔會好甜，我就幾喜歡